[SABON] 浸完死海既沐浴露

我本身屬乾性皮膚，試過好多種沐浴露都搵唔到一隻適合自己既。

一係就洗完覺得太乾，一係就太油，洗完好似硬係覺得洗唔乾淨咁。

之前有試過Cetaphil，以溫和作為賣點，對皮膚係幾唔錯，但潔淨力有待觀察，同埋洗既時候有少少似膠水咁…

直至最近聽朋友介紹，試一隻沐浴露品牌SABON，佢係由澳洲引入，一款有70年歷史既配方，以手工肥皂起家，用死海既礦物質作主要成份，後來再配上橄欖油、乳木果油及各種草本精油，製成而家用沐浴露。

第一次試既時候，因為沐浴露個樽本身屬輕巧型，感覺擠一下係唔需要擠太多。的確，洗既時候，即使係擠好少，仍好足夠洗晒全個身。可能係因為死海礦物鹽本身已經係呈滑溜既感覺，洗完唔係油既感覺，真係似浸完死海咁。

當然第一次試完新嘢係感覺良好既，我用咗一排，一直觀察自己對呢隻沐浴露既反應，甚至有段時間用晒SABON之後轉返用普通坊間最常見既沐浴露，發現乾性皮膚既我果然係受唔住，額頭同埋身體個別部份有呈現乾燥所致既皮屑，即使沖涼後再用body lotion都無用。我先開始明白原來護理皮膚係要由根源做起。(利申︰我無用任何護膚品)

我多年前患有濕疹，有段長時間用類固醇用到有部份皮膚而家變咗痿皮，耐唔耐都會痕。用咗呢隻沐浴露之後，皮膚係有改善，少咗痕癢。當然各人膚質都唔同，用後效果亦不盡相同。

味道方面，我第一次係Green Rose，味道屬中性，幾討好，男女合宜。另外仲有Rose Tea，Jasmine，Citrus Blossom… 適合唔同個性既用家。

店鋪銷售方向主要sell 親和力，買滿$1,500有85折，又可以同時用各款coupon(好似好抵咁)，同埋會有好多生日優惠，減$50同送一啲小禮物。整個customer journey算係幾討好。

價錢方面，建議零售價係$270一支(300mL)。

齋講好既嘢咪即係打手！？

都有些少另一角度既評價既 – 就係性價比！

$270一支300mL確實係幾貴。

平心而論，佢既300mL用量係可以等於坊間1kg既沐浴露用量，因為每次用時真係唔使擠太多。

至於$270係大約等於8支Dove既價錢，性價比確實唔高。咁當然我考慮到本身敏感性皮膚，再加上將來睇醫生都可能唔止呢個數，不如而家乖乖哋從根源做起，錫住自己既皮膚。

後記︰

去買既時候係10月，因為一次買咗超過$1,500既嘢，所以都幾重吓，店鋪可以幫你存起啲貨，得閒經過時先去攞。今次去攞既時候，都發現唔少人係買咗好多，都係暫存喺鋪頭，目測大約有十幾二十袋未取既貨。

我嗰袋已經擺咗超過兩個月(其實好似唔可以擺咁耐)，個紙袋都已經殘舊晒，我話無所謂啦，唔好浪費多個袋，店員都好坦白話係image既關係，最後仲幫我用double紙入好晒，驚大重個袋會受唔住，真體貼。讚！

#sabon #sabonhk
#sabongiftandtreasure #gingerorange #jasmine #greenapple #免費禮物 #deadsea
#likeforlikes #sabongiftandttreasures

About Post Author

re:Beauté administrator

re:Beaute administrator

See author's posts