睇左上一個post嘅朋友仔，就知道我對洗面係有一份執著(誤）
話說以前中學好迷戀一個日本護膚品牌子。日本製已經好高級，仲要細細枝，覺得又夠新鮮又唔使驚用唔哂。仲覺得好天然咁，暗瘡肌岩哂啦。
佢嘅皇牌產品係潔面粉。個時市面係冇咩同類型嘅產品，出於對洗面產品嘅迷思。我就買左返去試吓。
用咗一兩個禮拜，都覺得幾乾爽，唔錯。你知暗瘡肌幾驚出油架啦
但額頭就出咗一咋好細粒嘅瘡仔，不過冇膿頭。其實對暗瘡肌嚟講，偶然係某一個部位生咗一咋暗瘡，係好自然不過嘅事。當時只係覺得小菜一碟，因為好細粒，又冇紅腫，又冇膿頭，唔太影響外觀，已經好感恩
你睇吓，生暗瘡已經生到咁卑微
阿媽有日忍唔住問，阿女其實你係唔係敏感呀？啲瘡仔唔似係暗瘡喎，似過敏喎。突然個人好似叮一聲咁醒咗
係喎，可能係個枝潔面粉。
其實我冇仔細研究過佢嘅成份。由於佢起嘅泡好綿密，唔知入面會唔會有啲成份對我嘅皮膚嚟講係太強，又或者係清潔度太強
不過最近機緣巧合下又用過一兩次，都冇事，係乾咗啲。可能當時皮膚實在太脆弱啦
總括嚟講，我唔係話要唱衰某個牌子定某隻產品。只係想提醒大家，每次試用一隻產品，一定要留意吓有冇係一啲唔太出暗瘡嘅位突然出暗瘡。咁樣就知道可能唔岩自己用。一定要提高警覺
我自己都係一路咁大膽試用，細心求證下發掘到適合暗瘡肌嘅護理方法。
唔知大家有冇用過啲咩洗面產品會出粒粒㗎？互相分享吓，避免大家中伏
re:Beaute 暗瘡教室，與你一起戰痘
歡迎Follow我們，發掘更多改善暗瘡的方法
FB: www.facebook.com/rebeauteblog/
IG: instagram.com/rebeaute.sharing
Website: www.rebeaute.hk
—————————————————————
#hkiger #hongkonger #beautyblogger #onlineshopping #hkg #hkgirl #hkbeautyblogger #hkinfluencer #rebeautehk
#暗瘡 #暗瘡印 #暗瘡肌 #暗瘡護理 #acne #acnecommunity #acnetreatment #acnefree #acnescars
About Post Author
