re:Beauté

上一個post講到我嘅PT冇見我一星期，好驚訝覺得點解我會白淨左咁多又嚟到我呢個白老鼠分享嘅時間。再一次大膽使用，細心求證。以下係我用過work同埋唔work嘅去印產品

維他命C美白產品

我最近呢個禮拜就係試用左日本iskinclock Focus C系列。最驚喜嘅係維他命C Serum。佢係水油分離雙層精華液。油性層含有高濃度維他命C，油性有助維持維他命C嘅穩定性。其實呢隻似油多過似精華液。雖然佢係油性嘅質地，但係好薄身，好易推開同吸收。搽完上面，幾秒就吸收晒，完全唔覺得搽咗油，好似拍咗爽膚水咁乾身。作為暗瘡肌，呢隻油係我少數搽完之後唔會起粒粒，仲好有效果嘅油。除咗美白之外，佢嘅保濕效果都好好。平時返咗工一個上晝塊面已經出油。但係搽咗呢隻精華液之後，食完飯大概去到三四點先需要印一次面油。

重點係，我留意到佢而家個Facebook有個giveaway 活動，即刻like佢個page就有機會得到一套六件嘅iskinclock產品，當然包括埋Focus C維他命C美白系列。有興趣使用嘅朋友，記得去佢哋個Facebook睇吓啦。

www.facebook.com/101487985038893/posts/169185741602450/

檸檬汁

我知道大家一定睇過好多文章建議大家用天然嘅方法美白，就係利用檸檬汁搽面，就可以去斑去印。雖然檸檬汁有好高濃度嘅維他命C，但其實大家如果做多少少research，就會知道其實醫生唔建議大家直接搽檸檬汁上面。因為檸檬汁經過紫外光曬到之後，係好容易引起色斑。開頭我都半信半疑，因為網絡上面真係好多人建議人哋搽檸檬汁嘅。

直至有一次我同個朋友一齊去越南旅行。突然間有一日，佢個手背發現起咗好多班，佢諗緊係唔係敏感。但係我哋回想起呢幾日因為食咗好多海鮮，食之前亦都擠咗好多檸檬汁上啲海鮮度，而且越南亦都好曬。可能佢擠完檸檬汁之後隻手冇洗乾淨。搞到個手背出咗好多色斑。

其實我哋都知道要美白去印，就要用維他命C。但係檸檬汁真係唔係一個好嘅選擇。而維他命C亦都需要係一個穩定嘅狀態先至會發揮到效用。所以油性嘅維他命C都係一個幾好嘅選擇。但係暗瘡肌就要注意啦，唔係任何油都可以搽上面。遲啲再同大家分享吓我搽油嘅恐怖經歷。

re:Beaute 暗瘡教室，與你一起戰痘歡迎Follow我們，發掘更多改善暗瘡的方法