兩小口想搵個隱世地方撐枱腳談談情
三五知己想搵個地方歇吓腳，食住宵夜暢聚一番
大角嘴呢間主打串燒嘅隱世小店【Hungry B】必然係首選
食物選擇方面非常多元化 最重要價錢親民
主食都係講緊幾十蚊就已經有交易
仲可以選配稻庭烏冬
或珍珠米
最估唔到嘅仲有香港
地道特色小食（魚蛋/燒賣等等）選配印尼撈麵或燒飯團
服務貼心又夠人性化 俾人感覺特別親切
上菜速度都非常有效率 抵讚
試咗2款燒野菜
：
燒原隻大啡菇 $23
我自己一向都鍾意食菇菌類
啡菇肥大肉厚 燒完之後非常腍軟 多汁又夠juicy 好味
蒜蓉娃娃菜 $28
面層鋪上大量乾蒜 店員遞上一刻蒜香
撲鼻 蒜蓉唔但只無搶味
食起上嚟嘅時候仲顯得娃娃菜特別清甜
肉類串燒方面有分別有雞/豬/牛選擇：
燒牛舌 $26
牛舌肉厚肥美 口感豐富 咬落滿口油脂甘香
為咗方便顧客進食 上菜前會貼心預先切細
燒蒜心肥牛 $19
一串已經有三大件 好抵食
蒜心爽甜 可以平衡返肥牛嘅油脂
呢個組合當然係絕配
燒海鮮
選擇唔算多 勝在價錢夠吸引
燒原粒帆立貝 $32
大大粒帆立貝 味鮮肉嫩
酒煮智利青口 $40
呢個價錢嚟講份量算幾多
青口肉質新鮮肥美
配上洋蔥
白酒燒香顯得特別鮮甜美味
蟹膏甲羅燒 $68
呢個菜式可以講得上係性價比極高
個人認為屬必點之選
蟹蓋入面有滿滿嘅蟹膏
燒香之後 鹹香四溢 鮮味濃郁
搭配珍珠飯一同進食 滋味十足 令人無法抗拒
岩鹽燒大虎蝦 $45
虎蝦大大隻 肉質鮮甜嫩滑 食落口感夠爽脆
麻辣
日本啦啦蜆 $38
呢個絕對會係我個人私心推介
份量十足 蜆肉鮮嫩肉甜
散發出陣陣洋蔥香味
再加上麻辣味道控制得宜 唔算辣 好惹味
整體食物水準甚高 有質素保證
除咗串燒 仲有大量炸物選擇 下次一定會再試吓
食咗一大輪 
熱辣辣串燒/燒物
梗係要有凍飲
cool down吓chill 一番
枝裝日式飲品都只係講緊$15 實屬良心小店
小店嘅規模其實仲幾適合搞小型party （約6-10人聚會）
包場價錢仲好經濟實惠添
呢間位於鬧市嘅隱世高質親民小店 非常適合情侶或朋友暢聚
不過小店座位數量有限 想食好嘢記得預早訂枱喇
【Hungry B】
大角咀槐樹街6號麗華中心地下3B號舖
Hungry B
About Post Author
