係中環返工都應該有聽過On The List。佢專門同出名嘅牌子做flash sale既，簡直係女人嘅天堂，男人嘅地獄。嚟緊9月18號會開始做Shiseido Group 既flash sale。而家一齊溫習下佢旗下嘅牌子有乜嘢好買啦。
Za: 佢嘅化妝品走年輕路線，當然價錢好大眾化。屬於性價比高嘅化妝品，學生黨必備。佢嘅base好受歡迎因為有控油成份，質地清爽又有防UV。
Anessa: 唔使多介紹，大家都應該有用過佢嘅金色同銀色嘅防曬。防水防汗係佢嘅一大特色，但係落妝嘅時候亦都需要多幾重功夫。其實而家佢都有出好多唔同類型嘅防曬，例如藍色嘅防敏感同綠色有色防曬，應付平日一般用途已經好足夠，卸妝又唔使好大陣仗。
NARS: 佢早前大熱嘅奶茶色唇膏已經賣過滿堂紅。之前親身試用過佢嘅唇筆，顏色上色度同埋幼滑嘅質地都絕對好過佢嘅唇膏，大家未試過嘅可以一試。
effusais: 主打去痘控油嘅護膚品同化妝品。價錢亦都係相當大眾化，近幾年都係一啲開架嘅連鎖店搵到佢。佢嘅蜜粉係王牌嘅產品，能夠控油又唔會阻塞毛孔。
暫時推介住咁多先啦，我唔知道佢個flash sale入邊會唔會有呢啲王牌嘅產品，不過幫大家做定功課先，一去到個場嘅時候大家就可以慳返啲時間去search，見到心水嘅貨品就可以即刻搶咗先。到時再同大家現場直播。
#UpTo65%Off
About Post Author
