Categories: All

LAURA MERCIER ??

今日終於去左LAURA MERCIER 系IFC Lane Crawford 全新既 Pop-up Store。整個Pop-up Store 以紅色做主調，同以前既感覺好吾同，真心個句好sharp好靚??，加上有吾少打卡位，化個靚妝之後去打卡就啱曬。

去到LAURA MERCIER，當然想試下心思思左好耐既大熱奶茶色既唇膏啦。

化妝師首先幫我用帶粉紅色既唇筆勾畫唇形??，然後再用唇膏填滿中間既位置。奶茶色既唇膏睇落去系matt tone，顏色好自然，好易handle，難怪系日本一出就迅速爆紅??啦！雖然系matt, 但質感一d都吾乾。我自己一向好怕matt既唇膏，因為我怕唇紋好現。今次既唇膏就正好無呢個問題啦。

化妝師重比左幾個小貼示⭐️⭐️，如果怕咀唇太乾現唇紋，可以先用lip balm 敷一陣，然後再用紙巾輕輕印一印，再塗上唇膏，效果會更加好。如果想唇膏更matt同埋更持久，可以在上妝後用LAURA MERCIER 既皇牌蜜粉輕輕印一印，整日都吾會脫妝架啦！大家都可以試試

化妝師實在太好人，之後重幫我用其他限定既化妝品化左個靚妝，實在太靚啦我都想介紹一下以下呢款限定既palette，除左顔色好靚??之外，最正既系左邊既兩格可當胭脂用，中間既兩格可當highlight用，而右邊既兩格可當shading用。而呢六格同時又可當eye shadow用! 一盒palette有齊所有function，真系好方便，好得????!

化完妝之後當然去玩下夾公仔機啦! 重比我夾至LAURA MERCIER 限量板既鎖匙扣添！真系收獲豐富！

場内重有一個位置可以比大家發揮下自己既藝術天份，我都畫左一張咭送比大家！

吾講吾知， LAURA MERCIER 原來之前比Shiseido 收購左，較早前已經close晒香港所有既分店。宜家新開既只有IFC Lane Crawford, 同TST Sogo 兩間分店。LAURA MERCIER 既 logo 亦由細楷既英文字變成大楷既英文字，同埋多左下面Paris | New York，大家記住留意下啦！