最近帶咗兩位小姐去將軍澳行街
無意間俾我發現呢間隱世cafe
【Dreams Cafe】格調時尚簡約 環境寧靜
天花滿佈白雲裝飾 牆身設計亦顯心思
店主仲特意製造多個打卡corner
設計夠曬夢幻
叫人印象深刻
輕易俘虜Anthea Andrea兩姊妹嘅心
踏入咖啡店
不自覺就被牆身上色彩繽紛嘅壁畫所吸引
感覺猶如置身於大自然
非常放鬆
好適合三五知己嚟享受一個悠閒嘅下午
食物方面，我哋點咗
款主食：
《三杯雞意粉》
$86
九層塔味道香氣四溢
熱辣辣嘅雞肉夠嫩滑 份量夠晒多 十分足料
聽店主講原來所用嘅醬料都特別揀選自台灣
難怪呢款台式料理味道咁正宗 
由於要遷就小朋友口味 今次意粉只做咗輕微bb辣
連小朋友都食到 
nice
加上意粉軟硬度適中 係我喜歡嘅質感
做得非常出色 屬必點
之選
《Dreams全日早餐》$108
煙肉夠香脆唔油膩、
大啡菇juicy又鮮甜 小朋友至愛、
沙律
仲特別加入時令羽衣甘藍
、
烤蕃茄
、薯角、早餐腸、新鮮牛油果
、
配上鬆脆香口嘅英式muffin
認真夠晒豐富
《龍蝦汁海鮮意大利飯》$118
熱辣辣嘅意大利飯吸收咗龍蝦汁嘅精華
食落每啖都充斥著香濃龍蝦汁味道
海鮮配料亦豐富 再配上煎香咗嘅鮮甜帶子
連兩姊妹都大讚好味
另外我仲點咗款飲品：
Dirty 污糟咖啡 $38
混合4款優質咖啡豆沖調而成
第一啖飲得出熱熱香濃嘅Espresso
，加上奶嘅冰凍
，冷熱感覺交替，我個人非常欣賞
「咖啡控」絕對唔能夠錯過
荔枝玫瑰梳打 $48
呢款滿載少女氣息飲品 絕對屬我個人私心推介
鮮甜荔枝配以玫瑰花瓣
我哋都即時被夢幻粉色
深深吸引住
兩姊妹都急不及待爭住話要試飲
味道甜甜夠清新 最後當然極速見底
藍橙柚子梳打 $42
藍調顏色夠晒搶眼 啖啖都有酸酸甜甜嘅柚子味道 解渴又醒胃
同兩位公主開餐又點可以缺少佢哋最愛嘅甜品
今次仲試咗幾款自家製甜品：
法式焦糖燉蛋 Creme brûlée
面層焦糖做得既薄又脆
入面嘅布甸香濃幼滑
而且甜味控制得啱啱好
就算食晒整個都無膩嘅感覺
無論大人小朋友都無法抗拒
花生糯米糍
自家搓嘅糯米皮果然係唔同啲
特別煙韌彈滑 QQ質感都係我哋嘅最愛
入面用上嘅花生糖餡料豐富 抵讚
砵仔糕（傳統原味/班蘭味）
兩姊妹同我一樣一向都係砵仔糕鐵粉
今次呢個砵仔糕仲特別加入超多紅豆
佢哋一見到都急不及待要試食
砵仔糕做得煙韌甜軟又彈牙 非常有驚喜
班蘭口味亦都好有驚喜 味道唔太甜
屬於水準之作
Dreams cafe
地址：將軍澳唐俊街海天晉匯G3地舖
#Dreamcafe #oceanpopwalk #海天晉匯
About Post Author
