用清光產品 – 1st

不定時用清光產品既分享，因為我用產品真係用得好慢，當我用曬既時候個樣產品既時候可能已經唔興，所以呢個純粹只係自己一個小小既分享

我既皮膚係乾性出油，夏天都會乾到甩皮，呢排係乾到繃緊，但偏偏額頭同下巴會出油，鼻位成日出汗，人地話乾性肌皮膚好，但我額頭會爆瘡，鼻同瞼脥毛孔粗大有粉刺，下巴有閉合性粉刺，我自己都覺得好煩厭

講左護膚品先*

Kiehl’s 特效保濕乳霜

呢款面霜既保濕能力真係好好，用完精華再加面霜，冬天既乾燥都可以頂得順，而且唔油同好快吸收，唔會好似某d rich cream查完會塊面有油膩感，好唔舒服，不過我用呢隻面霜既時候會拿拿地，要過一陣個種拿既感覺先消失，有可能係因為我個d皮膚太乾既關係，不過由於佢夠保濕，我都係有繼續入手

Kiehl’s 醫學維C淡班精華

本身我係令左呢隻精華既試用版，試完之後發覺呢隻精華偏水狀，無咩黏膩感，好快吸收，都有d保濕既效果，所以之後就買左大支，早晚用，用左一星期，已經覺得膚色光亮左，因為額角個位查得唔夠多，所以有小小分別，不過色班就只有小小既淡化，用曬一支之後，停用左幾日，唔知心理作用定點，膚色好似又暗返d，因為屋企仲有其他美白精華想試，所以暫時未入手，不過我覺得我會再度入手

Kiehl’s 特效清爽保濕啫喱乳霜

夏天既時候我中意用啫喱多過cream，因為我個人怕黏膩同出油，而呢隻啫喱既好處係完全無油份，查左上去之後好快完全吸收曬，不過補濕能力略嫌比第一款分享既cream唔夠強，要配埋保濕精華用先可以Keep到全日保濕唔乾，另外一個用法就係雪凍左查上面都可以即時好舒緩到d乾到繃緊既皮膚

Clinique 爆水珠珠精華

其實我覺得呢隻精華補濕能力都幾夠，可以keep到全日補濕，同埋都快吸收同無油既成份，但個質地就比較黏，無咁清爽，不過都無出現敏感爆瘡，夏天可以配啫喱用，冬天配cream，其實因為我之前網上買左set，其實我都用左好多支呢d細細支既sample

之後到防曬

Sofina 美白防曬乳液

呢個防曬買個時係一set買，一支大同一支細防曬，另外有base同旅行裝既啫喱，呢支旅行裝防曬雖然細細支，但我都用左1個月，個感覺係倒出黎係液體，查上去好輕薄，一d都唔厚重，之後係上面化妝都無問題，但我個人覺得其實佢查左上去之後有小小抽乾左皮膚既感覺，可能因為我係乾性肌，同埋可能因為係美白既關係，面上會多左層白色野，我自己就唔太中意，大個支都賣左出去

之後到化妝品

Etude House 三色遮瑕膏

其實呢款遮瑕膏既遮瑕能力唔算好好，但勝在唔會好乾，就算查兩層，都唔會眼底出乾紋，因為我係千年黑眼圈，有時會查個橙d既色再查淺色，同埋最好既係個盒入面有掃，有時出到街先化妝，咁樣就會好方便啦!

Too Cool For School 三色陰影粉

個人非常中意呢盒陰影粉，3種色都好岩亞洲人既膚色，不過中間既色就偏灰d，最右就偏啡黃d，我自己中意中間同左邊用黎做鼻影，中間同右邊同面既修容，非常好用同份量好多，係韓國旅行個時已經再入手左啦!

希望大家會中意我呢個短短既分享啦！