牛大人台灣火鍋吃到飽  120分鐘俾你吃到飽 CP值爆燈

今日終於有機會嚟拜見牛大人

我講緊嘅係真正任點任食 120分鐘俾你吃到飽 CP值爆燈嘅

台式火鍋【牛大人台灣火鍋吃到飽】

 

 

我哋今次點咗鴛鴦鍋

牛夫人秘方麻辣鍋（小辣） 台灣鳳梨雞鍋

極上和牛吃到飽套餐（$328）

麻辣鍋辛香味濃 麻香撲鼻 鳳梨雞鍋 味道清甜 配搭蔬菜能夠將湯底嘅甜味盡收 絕配

 

 

 

每位更會贈送澳洲和牛牛丸（2粒） 唔好睇小呢兩粒牛丸吖

製作非常有誠意 啖啖富有濃厚嘅牛肉味 而且非常爽口彈牙

 

 

我最鍾意牛肉選擇夠曬多 牛大人呢個稱號實至名歸

澳洲和牛 M5 牛肩卷： 點得極上和牛套餐 當然要食盡佢 呢款屬我個人私心推介

必點之選 切得薄身嘅牛肩卷 肉質鮮嫩夠Juicy

吸收咗麻辣湯之後 味道豐富有層次 食唔停口

 

美國Prime極級肩里肌： 大大片 食落啖啖肉 口感豐富 帶點嚼勁 脂肪較多但唔會油膩

手切封門柳： 厚薄適中 牛味濃郁 肉質腍軟 口感豐富 讚

安格斯特選牛板腱： 脂肪分布較平均 有嚼勁

SRF美國黑牛後腿肉

 

 

鬼馬老油條：香脆可口 不油不膩 台灣地道食材方面真係做得幾出色

瓜仔雞水餃： 水餃入面嘅瓜出奇爽脆清甜 配搭新鮮嫩滑雞肉

味道充滿驚喜 果然係必吃之選

台式蝦餃： 細細長長嘅蝦餃 包裹住滿滿嘅新鮮蝦肉 別有一番風味 推介

私房鴨血（辣）： 每逢點鴨血就可以知道食材夠唔夠正宗

呢個鴨血真心鮮嫩彈牙 口感滑溜 值得推介

 

 

豐原排骨酥：

賣相雖然平平無奇 不過有質素保證 吸收咗湯底之後特別惹味 肉質仲能夠保持嫩滑添

 

澎湖花枝漿 蟹子墨汁漿：

同樣爽滑彈牙 口感一流 必試

 

牛媽秘製滷牛肚： 牛肚爽口亦夠腍身 值得一試

 

海鮮方面選擇唔算多 勝在夠新鮮 我哋點咗：

新鮮沙白、鮮甜海蝦、脆肉鯇魚片

 

特別推介台灣地道食材

真台灣鯛魚片俾大家，今次係第一次打邊爐 有鯛魚片作食材，肉質鮮甜嫩滑

 

 

醬料區乾淨俐落、擺放清晰，選擇眾多 抵讚

 

 

自助食品區：

擺放咗大量蔬菜、菇菌、瓜類、豆腐、蕃茄等食材，應有盡有，真係花多眼亂

 

 

飲品方面除咗有大量汽水選擇 仲有一系列牛大人自家製冷泡茶

打邊爐當然要同三五知己啤啤佢

推薦大家試呢款獲獎台灣手工啤 《酉鬼啤酒》 撥雲霧見蓬萊仙島

帶點果香 味道較淡 容易入口 飲完透心涼

 

 

最後仲送上Haagen雪糕/台式仙草芋圓 唔好睇燒仙草細細碗 佢用料十足

口感煙韌 味道正宗 甜甜嘅味道仲有助中和麻辣

 

 

依家秋涼嘅天氣打邊爐就最適合不過 有興趣嘅朋友仔 記得預早訂枱啦

 

 

尖沙咀加拿分道20號加拿芬廣場2樓 

 

#牛大人 #牛大人台灣火鍋吃到飽 #香港美食 #尖沙咀美食 #香港美食指南 #香港美食日記 #香港美食推介#karryshare #hkfoodie #hkfood #hkfoodieblogger #hkfoodielife #hkfoodblog #hkfoodstagram #hkfoodlover #foodiehk#hongkongfoodie #fotdhk #香港火鍋 #火鍋 #火鍋推薦 #火鍋控 #火鍋吃到飽 #hongkongrestaurant #吃貨 #吃貨日記#吃貨人生 #吃貨日常 #相機食先 #手機食先

 

牛大人 Master Beef