我的體驗日記 | 嚇破膽系列之Laser Facial

一直都好鍾意喺Skin Laundry做Laser Facial。佢主打係15分鐘內完成，冇downtime，放工過去做完可以即時化妝，之後同朋友食飯都冇問題。咁係佢嘅美容師力sell下就試咗呢個新嘅treatment 叫膚質重塑療程。佢嘅功效主要係去除色斑、暗瘡印、增加骨膠原同撫平皺紋從而抗衰老。同埋可以係短時間內修復皮膚嘅膚質。

 

個treatment有三個步驟。第一個就係用light laser去深入清潔毛孔，為第二步做好準備。第二步係用分段式激光，刺激膠原增生，同時製造微細管道為下一步嘅精華吸收。呢個步驟嘅強度對我啲皮膚來講太大，令到塊面好似比辣椒拿緊咁嘅感覺，非常之唔舒服。第三步係hydro，以高壓注氧方式注入透明質酸，抗氧成分同埋多胜肽。精華有效迅速冷卻及舒緩肌膚。

 

一做完嘅時候已經覺得塊面好乾，一照鏡就出事啦(Day 1圖）。成塊面紅到好似敏感咁，不過又唔痕唔痛嘅。美容師話大概三至四個鐘就會唔紅。咁其實我一個鐘之後返到屋企就已經冇咁紅。第二日起身第一時間走去照鏡，成塊面其實已經退咗紅，但係個鼻哥依然都好紅，好彩係化妝都仲遮到?我諗因為個鼻嘅皮膚真係太薄啦，所以啲激光嘅強度亦都太勁。

 

但去到第七日其實已經見到啲暗瘡印去得好快，因為平時要可能兩三個月啲暗瘡印先淡d。仲有一個驚人發現，就係我右邊面頰本身有啲暗瘡留落嚟嘅凹凸洞，竟然平復得八九成，我諗再做多一次啲凹凸洞就應該可以撫平晒✌?雖然我好想鬧爆個美容師，點解唔同我講做完個效果會紅成咁?但係見到個效果，又令我覺得可以再做多兩三次。不過做完呢個package之後可能要去搵一啲冇咁高能量嘅laser facial做?如果大家有推介嘅都可以話俾我知?

 

#SkinLaundry

#LaserFacial

#嚇死寶寶系列