邊個話泰國菜🇹🇭一定就係辣🌶️ 唔啱小朋友？
今次我就帶咗兩姊妹去到灣仔
💛泰鑫 嘆味道正宗泰菜🥰
佢哋仲食到舔舔脷添😋
店面唔算太大 俾人感覺夠親民
裝潢甚有泰國🇹🇭餐廳風格
服務員態度親切又殷勤
❣️泰式手打炸蝦餅 🦐（3件）
即點即做嘅炸蝦餅外層炸得香脆可口
加上大大件 咬落啖啖肉 口感豐富
蝦肉非常新鮮又彈牙 兩姊妹👧👧讚不絕口
當然係佢哋嘅至愛😍
❣️沙嗲雞串 🐓
呢個都係兩姊妹最鍾意嘅菜式🤩
雞肉嫩滑多汁夠juicy
再配合香氣四溢嘅沙嗲醬一同進食
令人回味無窮😋
❣️冬陰功（小）🌶️
每次食泰菜冬陰功都係我嘅必點菜式
貪佢夠辣得惹味又醒胃😝
估唔到今次點咗小嘅份量都好足料
入面有大大隻蝦🦐 同大量草菇
味道仲非常正宗 大愛🫶💕
❣️泰式蒜蓉炒雜菜🥬
雜菜有椰菜🥬、芥蘭、泰國粟米及甘筍🥕
蒜蓉味道香濃 唔油膩 屬健康之選🌱
❣️乾炒闊河（雞肉）
雞肉夠嫩滑 加入咗雞蛋🥚同芥蘭一同炒香
非常惹味
而最驚喜嘅係闊河粉口感煙韌滑溜
夠曬彈牙 口感豐富 食唔停口🤣
❣️泰式船湯麵
大大碗份量十足
入面有爽彈嘅牛肉丸 腍軟入味嘅牛肉片
仲有泰式豬皮 夠曬正宗
金邊粉口感滑溜 再吸收咗香濃嘅湯汁 顯得特別美味🤤 私心推介💕
❣️芒果🥭糯米飯
熱辣辣♨️嘅糯米飯口感軟糯又煙靭
只要加上椰汁一同進食 味道即時提升
配合果肉充沛、味道清甜芳香嘅泰國芒果🥭一同進食 絕對令人無法抗拒
大小朋友都鍾意💕
食完一輪味濃嘅食物 梗係要飲杯冰凍飲品平衡吓
❣️椰青
有助解辣🌶️清甜又解渴 兩姊妹都好鍾意❤️
❣️青檸🍋🟩梳打
酸酸地好refresh🌱 清爽解渴又解辣😍
款款菜式都同樣高質 味道又正宗 實在泰滋味😋
你哋都快啲帶埋一家大細或與三五知己齊齊品嘗喇🍽️
泰鑫
📍灣仔皇后大道東222號Garden East 2號舖
Karry113
返工✈️成日要周圍飛 輪班工作唔定時 飛長途嗰陣又要捱夜😴 長期作息🛌、飲食🍽️都好唔定時 其實好傷肝😣 成個人瞓極都好攰 🌙呢啲習慣 其實會妨礙肝臟嘅🔄修復工作 連皮膚健康都受影響添🥲 想改善肝損問題 同事介紹我試呢隻 歐洲銷量🥇No.1 德國製造嘅 利肝素®️Legalon®️💚 唔講唔知有研究指出… Read More
隨著年紀增長 膠原逐漸流失 肌膚容易變得鬆弛😣 最明顯就係唔夠瞓嗰陣 面色就更顯暗啞 眼仔位置細紋無所遁形 成個人望落好唔精神 最近行開萬寧 見到💙肌美精做緊減價 即刻掃咗2款試吓🤩 💙藥用美白精華 🔹2大美白成分傳明酸➕高純度維他命C✨幫我由根源截擊黑色素生成 減淡色斑 🔹科學研究🧪實證4星期去斑45%｜8星期去斑高達73% 🔹質感輕盈水潤… Read More
一到端午節🎏 又係全家人一齊分享粽子嘅好時節🥳 家中兩位小姐一向都係❤️奇華餅家粽子嘅Big Fan 貪佢用料上乘 隻隻餡料豐富又美味😋 真正種「粽」滋味在心頭💕 備受歡迎嘅一系列傳統口味粽子係我哋每年必選🥰 今年仲有全新✨滋味登場嘅 🌸櫻花蝦臘腸五花腩肉粽 經典鹹肉粽注入新靈魂 傳統滋味全面昇華 嚴選帶有鮮甜香氣嘅日本🇯🇵 櫻花蝦🦐、 油潤甘香嘅優質臘腸… Read More
身為working mom 👩 要工作之餘 放工又要照顧家人 真係分身不暇 如果遇上長途機✈️ 就更加容易食無定時 忙起上嚟都未必吸收到身體所需嘅營養😣 要照顧其他人 首要係照顧好自己嘅身體需要 所以想確保身體每日吸收到建議嘅兩份蔬果 我最近就有個新習慣 每日會飲用一小包 @moomhealth… Read More