必試KFC黑糖珍珠葡撻➕人氣台式風味鹽酥雞

以前一有機會飛台灣，我都必定會買鹽酥雞做宵夜。可惜而家一等再等，復飛無期，去唔到旅行呢段期間，大家有無好似我咁，會心掛掛台灣嘅美食呢

KFC最近就好貼心地推出咗全新台式滋味系列：黑糖珍珠葡撻人氣台式風味鹽酥雞，實行為各位台灣迷止止渴

我點嘅台式鹽酥雞套餐包括：
2件鹽酥雞、 1件家鄉雞/香辣脆雞/狂惹香燒雞、辣汁蘑菇香飯、薯蓉、汽水
身為甜品控嘅我，今次仲以優惠價$10加配埋新品：黑糖珍珠葡撻

炸至金黃色、熱辣辣、外層灑滿非常惹味嘅椒鹽台式風味鹽酥雞，所採用嘅材料都係嚴選自台灣當地。離遠已經聞到香氣四溢嘅椒鹽味，令我即時食慾大增。咬落外層啖啖香口脆嫩，簡直覺得自己身處台灣食緊鹽酥雞一樣，充滿台式風味

葡撻一向都係我必點食物之一，今次重要加埋我最愛嘅黑糖珍珠。黑糖珍珠味道濃郁、煙韌彈牙，QQ嘅口感令到葡撻多一重滋味。葡撻面上鋪有黑糖珍珠，原來咬落內饀同樣加入滿滿珍珠，啖啖外脆內軟，令口感更為豐富，真係好有驚喜

鍾情台灣美食嘅你，快D把握期間限定，去KFC 試下新口味啦

#KFCHK #KFC鹽酥雞 #黑糖珍珠葡撻 #KFC台式滋味系列
KFC hongkong
KFC