工作之餘最緊要不忘愛錫自己💕
放假時間食餐好🍽️就係最佳嘅報酬😍
喺香港想嘆正宗Omakase⁉️最近我有新發現
原來喺尖沙咀海港城就搵到啦😍
鮨 央泰 @sushi.hisayoshi.hk
以江戶前風格廚師發辦 Omakase 作招徠
廚師只挑選時令及矜貴食材製作成壽司🍣或刺身
務求客人品嚐到新鮮日本🇯🇵食材嘅鮮味
最近做緊嘅晚餐👑【皇】Sumeragi
無論由前菜、刺身、燒物、壽司以至甜品等嘅賣相、味道以及食材配搭均一絲不苟
精雕細琢嘅菜式 絕對係視覺及味蕾嘅享受
❣️前菜 ～ 3 款
🔸鹽燒銀杏 味道甘甜 完全無苦澀 口感軟糯
炸薄切蓮藕片 味道香脆惹味 非常開胃
🔸三文魚籽
粒粒晶瑩剔透 飽滿鮮甜 口感豐富
🔸忌廉芝士 松葉蟹肉卷🫔
第一次食到呢種fusion菜式
忌廉芝士有助提升松葉蟹肉鮮味
味道出奇搭配 驚喜之作🌈
❣️刺身 ～ 2 款
🔸金目鯛魚 配木魚湯啫喱
以木魚湯熬製而成嘅啫喱清甜可口
金目鯛魚肉質細膩 味道鮮美😋
🔸秋刀魚
步入秋天係食秋刀魚嘅季節
只有最新鮮嘅秋刀魚先可以被選做刺身
加入薑🫚 、葱花、青瓜絲再沾上芥末醬油
秋刀魚獨特甘甜味道即時提升
面層再以紫菜包裹 帶嚟另一番風味 口感豐富
❣️燒物
岩鹽燒梳子魚 🐟
魚身脂肪較少 連魚皮炙燒過後 油香更突出
魚油滲入魚肉及米飯之中 份外甘香😋
❣️壽司～ 8貫🍣
1️⃣炙燒北寄貝
新鮮甜美 口感豐富夠爽脆
2️⃣車海老🦐
由廚師即席開殼 當然份外新鮮味美
口感爽脆又彈牙
3️⃣赤鯥
屬深海魚🐠 非常稀有 夏、秋季係赤鯥季節
所以肉質特別肥美
通常喺日本🇯🇵高級料理先會採用嘅食材
4️⃣希靈魚
由於處理步驟繁複 對於廚師刀工份外考究
普通餐廳好難搵到新鮮希靈魚嘅踪影
可以話係極之罕有🤩
為提升口感 廚師將希靈魚肉切出幼細嘅紋
此舉亦同時有助提升鮮味
5️⃣醬油漬 吞拿魚🍣赤身
經醃漬過嘅赤身 鮮味大大提升🤩
滿載濃郁鮮味醬油
由於赤近魚背部位 口感較結實 魚味濃郁😋
6️⃣大拖羅
嚟自京都伊根嘅大拖羅非常肥美 色澤粉紅
入口有滿滿嘅油花 口感豐富
啖啖油脂甘香 令人再三回味🤩
7️⃣北海道馬糞海膽
海膽一向係我至愛😍 馬糞海膽肥美鮮嫩
入口即溶化 帶鹹鮮甘甜
食完有滿滿嘅幸福感🥰 大滿足😌
8️⃣海鰻
海鰻肉厚 肉質細嫩鮮美
加上秘製鰻魚醬汁一同進食 味道令人難以忘懷
❣️ 江戶前玉子燒 🥚
以雞蛋加入咗白身魚 及 蜜糖🍯
煎製成海綿狀嘅玉子燒 原來屬江戶前文化
製作過程非常講究 賣相似足古早味蛋糕
口感綿密鬆軟 而且絕無加入澱粉質
❣️椀物
北海道軟煮八爪魚🐙
整條八爪魚🐙足足有手臂咁長 份量十足😍
唔好睇佢大大條 經過多重繁複工序製作
食落肉質依然腍軟嫩滑 夠曬入味
味噌湯
❣️甜品
精選岡山縣晴王+山梨縣巨峰葡萄🍇
配上寒天獨有口感 滑溜又爽脆 非常refresh
鮨 央泰
無論食物、用餐環境及服務質素同樣高質
帶嚟最鮮嘅日本味道
你哋都快啲把握機會去品嚐啦❣️
📍尖沙咀廣東道3-27號海港城港威大廈地下G111號舖
鮨 央泰 Sushi Hisayoshi Hong Kong
Karry113
About Post Author
