觀塘行街醫肚首選《豪宴薈》點心出色 環境雅緻

今日一早計劃咗同兩姊妹👧👧去觀塘行街
不過shopping🛍️前梗係要醫咗肚先有精力🤭

話說我哋已經隔咗好耐無食過點心
所以選擇支持本土餐飲🥢
特別揀咗【豪宴薈】試下佢哋嘅✨精選點心

酒樓環境幾舒適 枱與枱之間距適中
氣氛熱鬧又不失雅緻 上菜服務仲好有效率☺️

呢度嘅點心同小食全部都係兩姊妹嘅至愛💕
點心仲要即點即蒸♨️全部熱辣辣 無得彈👍

❣️蜜餞雞中翼
雞中翼外層炸得勁金黃 賣相吸引 非常脆口
面層裹上香甜嘅蜜糖🍯
呢個味道真係唔係度度都食到 大人細路都勁鍾意😍

❣️海蜇燻蹄
冷盤上嘅海蜇🪼口感細滑清爽 食落非常脆口😋
燻蹄啖啖帶有鹹鮮香氣 脂肪少又唔會油膩
口感爽滑又富含豐富膠質 非常開胃

❣️脆皮燒腩仔
燒腩仔外皮爆脆🤩
真正皮脆肉嫩 油脂甘香而不膩
肉質柔軟入味 惹味非常

❣️月半灣筍尖蝦餃皇
熱辣辣嘅蝦餃粒粒晶凝通透
皮薄餡靚 餡料又幾足 口感彈牙

❣️蟹子鮮蝦燒賣皇
小朋友至愛嘅燒賣啖啖肉 口感豐富爽彈

❣️XO醬蒸鳳爪
XO醬香氣濃郁 而鳳爪口感軟糯滑嫩
骨肉非常容易分離 私心推介💕

❣️醬皇金錢肚
蒸得恰到好處
吸收咗濃郁醬汁嘅金錢肚 肉質香濃細軟
嫩滑得嚟敢富嚼勁 全家人都like 🥰

❣️香煎蘿蔔糕
呢個一向都係兩姊妹最鍾意嘅點心之一
面層金黃焦脆 啖啖滿載油脂香氣
內層清甜 口感軟糯綿密
加上臘味、蝦米🦐及瑤柱 增添鹹鮮風味

本來都無抱住任何期待去飲茶🫖
估唔到食物質素真係有驚喜🌈
今次全家人都大滿足😍💯

【豪宴薈】位處市區 交通便利 🚇
好適合朋友聚會或家庭聚餐
你哋都快啲帶埋一家大細去嘆吓喇💫

@hoyingroup
#豪宴薈 #HoYinBanquet #afternoonteahk #香港美食 # hkfood hkfoodie hkfoodlover