正宗泰菜【Milu Thai】 火山排骨 氣勢磅礴 必食推介！

 防疫措施一放寬

當然係時候拜訪我嘅心水餐廳?
好早之前已經被??【Milu Thai】
「火山排骨」呢個菜式所吸引
所以今次就同阿哥慕名而來

火山排骨（$208）
上菜一刻就知道呢個菜式不負眾望
同想像中嘅份量一樣咁驚人巨型
氣勢磅礴?
餐廳貼心提供膠手套 放便客人開懷大吃?
唔好睇佢大大件 以慢火煮嘅排骨肉質非常腍軟 就連軟骨部分都同樣出色
食落啖啖肉唔會嚡 完全無油膩感覺
口感夠曬豐富
面層淋上滿滿秘製泰式香草?辣醬汁?
食起上嚟特別惹味醒胃
味道層次分明 滿載驚喜 性價比極高
由於分量特大 3-4人分享嘅話就更適合

生蝦刺身（$98 / 6件）
每次食泰菜呢個都係我嘅must have item?
生蝦肥大肉厚 新鮮爽甜肉脆
最鍾意餐廳仲提供埋一片片嘅苦瓜夠曬正宗
配以蒜片?、秘製泰式辣汁一同進食
酸酸辣辣? 味道更豐富 令人回味無窮?

大頭蝦冬蔭公湯（$118 / 細）
我一向都係冬蔭公湯Big Fan
呢個冬蔭公湯以菇菌、大量香料配以新鮮大頭蝦製作而成 會飲到陣陣蝦膏香味
酸辣?度調教得啱啱好 亦唔會有鹹嘅感覺
開胃又刺激 味道非常正宗
大頭蝦夠新鮮大大隻 肉質爽脆鮮甜
屬水準之作 誠意推介‼️

泰式青咖喱燒羊架（$138/3件）
呢個菜式唔係每間泰式餐廳都會有提供
所以決定試一試
羊架幾大件燒得啱啱好 外層金黃色香
咬落入面嘅肉質仍然保持鮮嫩
羊肉唔肥膩 羶味亦唔會話太重
只係味道有少少偏鹹
而青咖喱對我嚟講算係整得幾甜 好好味?
唔覺辣?️只有青咖喱獨特香味?
有助提升羊架整體味道 抵讚?

飛天椰菜苗（$88）
加入咗其他配料如辣椒、麵醬炒香嘅馬拉盞份外香濃惹味
令椰菜苗食落充滿鹹香

珍多冰（$34）
菠蘿梳打（$32）
味道酸甜
食完一輪辣嘢?️挑戰味蕾
當然要飲番杯冰凍嘅飲品解辣消暑平衡吓啦

Milu Thai มิลู่ไทย
?銅鑼灣耀華街3號百樂中心2樓(時代廣場A出口)

#miluthai #泰國菜 #泰式料理

#karryshare

MiluThai มิลู่ไทย