有咩近視加深原因? 低濃度阿托品眼藥水有效控制近視

處於資訊爆炸嘅年代幾乎人人一機在手

就連小朋友學習過程都需要用電子產品

喺疫情底下，小朋友更加無奈被迫喺屋企進行網課。好似囡囡Anthea咁，經過密集式長時間使用電子產品，一年前我已經開始發現到佢有近視問題，自己亦做咗唔少功課，對近視加深原因多咗深入了解。

平時留意Anthea有以下小習慣，可能係其中令佢近視加深原因：

近視加深原因1：近距離使用電子產品令眼球拉長

近視加深原因2：唔注意用眼衛生用眼習慣唔正確

近視加深原因3：眼鏡唔合適都會加重近視

近視加深原因4：一次性長期用眼

近視加深原因5：小朋友成日瞇眼、側頭注視物件都係徵兆之一。

因為一隻眼有近視，自然依賴另一隻「好眼」睇嘢。

Anthea依家處於視力發育嘅黃金時期，如果唔好好處理問題，近視度數就有機會每年加深，造成生活上嘅不便。所以關於兒童矯視，我就做咗唔同嘅資料蒐集。

呢招預防近視加深方法：

1. 行為改變：建議每日做2小時戶外運動，多啲接觸自然光，刺激眼球分泌多巴胺，防止眼球過度拉長，幫助減慢近視加深速度。避免長時間近距離觀看，嚴守20-20-20法則（觀看20分鐘、休息20秒、望20尺遠物）。使用電腦最少保持50厘米距離、平板電腦保持 40厘米距離、智能電話保持30厘米距離。

2. 光學鏡片應用：光學干預方法包括用近視離焦光學鏡片；多焦隱形眼鏡或OK鏡，但係就需要小朋友配合，確保正確佩戴方法、衛生情況係唔係合乎理想、可唔可以自行處理等情況。

3. 藥物控制：低濃度阿托品眼藥水，可以有效減慢近視加深。加上低濃度眼藥水可以大大減低瞳孔被放大嘅問題，避免小朋友畏光，同埋睇近物有困難嘅情況出現，4歲開始已經可以用，用之前當然要諮詢專業眼科醫生。

 作為家長，當然唔希望見到小朋友近視度數不斷加深，所以我決定雙管齊下，扚起心肝為女女矯視。而為咗令成個矯視過程發揮最大成效，除咗提女女正確閱讀 姿勢，同埋用電子產品嘅時候要注意嘅事項之外，最近仲帶咗Anthea 去諮詢眼科專科醫生。

 專業視光師會先安排為女女驗眼，做一個詳細嘅視力檢查，過程細心又專業。出咗報告之後，就會接住約見眼科專科醫生，黃醫生會先向我了解小朋友出現近視時間、近視度數，再用最先進嘅儀器設備為女女檢查眼睛健康狀況，同埋瞳孔大小數值等，從而制定最適合嘅方案去控制近視情況，仲會用專業知識同我細心講解瞳孔大小正常值、近視加深原因同埋控制近視方法等等。

 經眼科醫生診症過後，建議女女試用低濃度0.01% 阿托品眼藥水控制近視。由於係初次試用控制近視眼藥水，醫生會先處方一個月份量，建議我哋一個月後覆診，再次檢查眼睛同眼球健康，亦都可以跟進低濃度眼藥水控制近視成效。

其實坊間一直都有用阿托品眼藥水控制近視，有別於傳統高濃度嘅眼藥水，低濃度0.01% 阿托品眼藥水可以大幅減低瞳孔擴大所引致嘅畏光、近視力模糊問題。

 阿托品眼藥水大好處：

1. 獨立即棄式包裝，不含防腐劑。眼藥水喺出廠前已事先稀釋調配，品質得以保持，安全可靠又衛生。

2. 阿托品眼藥水有效放鬆睫狀肌肉，減慢眼球拉長，從而減慢近視加深速度，係安全又有效嘅藥理方法

3. 獲香港中文大學研究證實，低濃度阿托品眼藥水能有效而且安全減慢小朋友近視加深速度更成。小朋友用得放心，大人自然更安心

4. 方便易用，只需每晚雙眼各滴一滴眼藥水，就可以有效減慢近視加深速度。

 由於控制近視眼藥水必需經由專業眼科醫生處方先可使用，成個治療過程都係由眼科醫生跟進，相比起其他控制近視嘅方法可以稱得上係更為安全。

 阿托品眼藥水獨立包裝細細支，對Anthea嚟講都尚算容易接受，就算佢自己用都好容易掌握，無需擔心每次使用過多劑量。女女keep住每晚用咗一段時間，都無話抗拒或者出現雙眼不適嘅情況。期間我觀察到唔會有畏光情況出現，亦都唔會有看近視力模糊問題，效果滿意。所以我都會繼續同女女覆診，keep住跟進控制近視成效。

如果你地都想知道更多兒童控制近視就去以下網站睇下啦~

To website: https://www.childeyecares.com/

To Facebook page: https://www.facebook.com/childeyecares/

#karryshare